Nemendur á AN2 halda til Svíþjóðar

Jæja, þá er alveg að koma að því!

Mánudaginn 25. febrúar munu nemendur á almennri námsbraut 2 í Borgarholtsskóla leggja land undir fót og halda til Örebro í Svíþjóð. Borgin er í um 200 km fjarlægð frá höfuðborginni, Stokkhólmi. Þangað verður flogið að morgni dags og deginum eytt í höfðuborginni. Þá verður haldið með rútu til Örebro þar sem sænskir nemendur í Wadköpings UC taka á móti okkur. Eru þau okkur ekki alveg ókunnug, því í haust heimsótti þessi hópur okkur hér upp á klakann og dvaldi í fimm daga.

Tilgangur Svíþjóðarferðarinnar er að nemendur fái tækifæri til þess að hafa samskipti við jafnaldra sína af öðru þjóðerni, kynnist menningu þeirra og siðum.

Ferðin er farin með styrk frá Nordplus Jr.

 Meira síðar!